വെജിറ്റബിള്‍ എഗ്ഗ് സൂപ്പ് ഉണ്ടാക്കുന്നത് എങ്ങനെ?

 

എളുപ്പത്തില്‍ അടിപൊളി രുചിയില്‍ ഹെല്‍ത്തി ആയ വെജിറ്റബിള്‍ എഗ്ഗ് സൂപ്പ് എങ്ങനെ ഉണ്ടാക്കാമെന്നു നോക്കാം. എരിവോ മറ്റ് അരുചിയൊന്നുമില്ലാത്തതിനാല്‍ കുട്ടികള്‍ക്കും ഇത് ഇഷ്ടപ്പെടും. ഹെല്‍ത്തി ആയതിനാല്‍ പ്രായമുള്ളവര്‍ക്കും കഴിക്കാവുന്നതാണ് വെജിറ്റബിള്‍ എഗ്ഗ് സൂപ്പ്. 

ആവശ്യമായ സാധനങ്ങള്‍:-

ഒലിവ് എണ്ണ- 2 ടേബിള്‍ സ്പൂണ്‍

വെളുത്തുള്ളി- 2 അല്ലി

സ്പ്രിങ് ഒണിയന്‍- 2 എണ്ണം

ഗ്രീന്‍ പീസ്- 1/4 കപ്പ്

കാരറ്റ്- 1/4 കപ്പ്

കാപ്സികം- 1/4 കപ്പ്

സ്വീറ്റ് കോണ്‍- 1/4 കപ്പ്

വെള്ളം- 3 ഗ്ലാസ്

കോണ്‍ഫ്‌ളര്‍- 1 1/2  ടേബിള്‍ സ്പൂണ്‍

ഉപ്പ്- ആവശ്യത്തിന്

മുട്ട- 1 എണ്ണം

വിനാഗിരി- 2 ടേബിള്‍ സ്പൂണ്‍

പച്ചമുളക്- 2 എണ്ണം

കുരുമുളക്- 1 ടീസ്പൂണ്‍

ബട്ടര്‍- 1/2  ടീസ്പൂണ്‍

സോയ സോസ്- 1/2 ടീസ്പൂണ്‍

പഞ്ചസാര- 1/2 ടീസ്പൂണ്‍

ഉണ്ടാക്കുന്ന വിധം:-

പാത്രം  അടുപ്പത്തുവച്ച് ചൂടാകുമ്പോള്‍ 2 ടേബിള്‍ സ്പൂണ്‍ ഒലിവ് എണ്ണ ഒഴിക്കുക. ഇതിലേക്ക് 2 അല്ലി വെളുത്തുള്ളി, സ്പ്രിങ് ഒണിയന്‍ എന്നിവ ചെറുതായി അരിഞ്ഞത് ചേര്‍ത്ത് ഇളക്കുക. ഇനി 1/4 കപ്പ് വീതം ചെറുതായി അരിഞ്ഞ ഗ്രീന്‍ പീസ്, കാരറ്റ്, കാപ്സിക്കം, സ്വീറ്റ് കോണ്‍ എന്നിവ ചേര്‍ത്ത് നന്നായി 5 മിനിറ്റ്  ഇളക്കുക.

ഇത് ഫ്രൈ ആയാല്‍ 3 ഗ്ലാസ് വെള്ളം ഒഴിച്ച് തിളപ്പിക്കുക. ആവശ്യത്തിന് ഉപ്പ് ചേര്‍ക്കുക. തിളയ്ക്കുമ്പോള്‍ തീ കുറച്ച് 1.5 ടേബിള്‍ സ്പൂണ്‍ കോണ്‍ഫ്‌ളറും വെള്ളവും ചേര്‍ത്ത മിക്‌സ് ഒഴിക്കുക. ഇത് ഇളക്കിക്കൊണ്ടിരിക്കുക. ഇതിലേക്ക് ഒരു മുട്ട പൊട്ടിച്ചു ചേര്‍ക്കുക. നന്നായി ഇളക്കിയശേഷം ഇതിലേക്ക് 2 ടേബിള്‍ സ്പൂണ്‍ വിനാഗിരി, 2 പച്ചമുളക് എന്നിവ ചേര്‍ക്കുക.

ഇനി 1/2 ടീസ്പൂണ്‍ പഞ്ചസാര ചേര്‍ക്കാം. ഇനി 1 ടീസ്പൂണ്‍ കുരുമുളക്, 1/2 ടീസ്പൂണ്‍ ബട്ടര്‍ എന്നിവ ചേര്‍ത്ത് തീ ഓഫ് ചെയ്യുക. വേണമെങ്കില്‍ സോയ സോസ് 1/2 ടീസ്പൂണ്‍ കൂടി ചേര്‍ത്ത് ചെറുചൂടോടെ കഴിക്കാം.